Azərbaycanda 44 mln. manatlıq geyim istehsal olunub

Bakı. 26 avqust. REPORT.AZ/ Bu ilin yanvar-iyul ayları ərzində Azərbaycanda 44 188,5 min manat məbləğində geyim istehsal edilib.

“Report”un Dövlət Statistika Komitəsinə istinadən verdiyi xəbərə görə, geyim istehsalı ötən ilin müvafiq dövrü ilə müqayisədə 49% artıb.

Hesabat dövründə 166,5 min ədəd üst trikotaj, 377,4 min ədəd alt trikotaj, 1 430,4 min cüt corab, 170,5 min ədəd kişilər üçün kostyum və komplektlər istehsal olunub.

İyul ayında ölkədə geyimin qiymətində iyun ayına nisbətən 0,4% azalma qeydə alınıb. Hesabat dövründə isə geyimin qiyməti illik müqayisədə 18,3% artıb.