Azərbaycan yaxın illərdə propilen və polietilen istehsalını artıracaq

Bakı. 27 oktyabr. REPORT.AZ/ Gələn il Azərbaycanda polietilen və propilen istehsalının bu ilin proqnozundan 3% artaraq müvafiq olaraq 110,6 min ton və 58,3 min ton olacağı gözlənilir.

“Report” bu barədə İqtisadiyyat Nazirliyinin 2018-ci il və sonrakı 3 il üzrə hazırladığı iqtisadi proqnozlara istinadən xəbər verir.

Sənədə əsasən, 2019-cu ildə 60 min ton propilen, 113,9 min ton polietilen, 2020-ci ildə 61,8 min ton propilen, 117,4 min ton polietilen, 2021-ci ildə isə 63,7 min ton propilen, 120,9 min ton polietilen istehsalı proqnozlaşdırılır.