Azərbaycan xalçaları ABŞ-da sərgilənəcək

Bu il və gələn il ABŞ-ın bir sıra ştatlarında Azərbaycan xalçalarının sərgisi və satışı təşkil olunacaq.

Bu barədə "Report"a "Azərxalça" ASC-dən bildirilib.

Məlumata görə, “Azərbaycan xalçaları” adlı sərgilər səhmdar cəmiyyətinin ABŞ-Azərbaycan Ticarət Palatası ilə əldə etdiyi razılığa əsasən baş tutacaq. İlk sərgi martın 27-də Palatanın ofisinin qalereyasında baş tutacaq. Həm klassik, həm də müasir üslubda sərgilənəcək xalçalarla Azərbaycanın zəngin mədəni irsi hər kəsə təqdim olunacaq.