Azərbaycan Türkiyədən kimyəvi məhsulların idxalına çəkdiyi xərci cüzi azaldıb

2022-ci ildə Azərbaycan Türkiyədən 493,141 milyon ABŞ dolları dəyərində kimyəvi maddələr və məhsulları idxal edib.

“Report” xəbər verir ki, bu barədə Türkiyə İxracatçılar Məclisinin (TİM) hesabatında deyilir.

Məlumata görə, bu, 2021-ci ilin göstəricisi ilə müqayisədə 1,1 % azdır.

Təkcə ötən ilin dekabr ayında isə Türkiyə Azərbaycana 52,696 milyon ABŞ dollarlıq kimyəvi maddələr və məhsullarını ixrac edib ki, bu da, illik müqayisədə 33,2 % çoxdur.

Ötən il Türkiyənin ümumi kimyəvi maddələr və məhsullarının ixracının dəyəri illik müqayisədə 31,9 % artaraq 33,525 milyard ABŞ dollarına, dekabr ayında isə 8,4 % artaraq 2,703 milyard ABŞ dollarına çatıb.