“Azərbaycan Sənaye Korporasiyası”nın 2 şirkətinə yeni direktor təyin edilib

“Azərbaycan Sənaye Korporasiyası” ASC-yə (ASK) məxsus “ASK Xidmət” MMC-nin direktoru Cabir Əsgərov vəzifəsindən azad edilib.

“Report” xəbər verir ki, şirkətə rəhbərlik Şıxəli Abasova həvalə olunub.

Xatırladaq ki, “ASK Xidmət” 2018-ci ildə yaradılıb. Onun nizamnamə kapitalı 65 018 manatdır. Şirkət ASK-nın mülkiyyətində olan dövlət əmlaklarını (“ASK Plaza” İşgüzar Əlaqələr Mərkəzi, “AMAY” Ticarət Mərkəzi və s.) idarə edir.

Bundan başqa, ASK-ya məxsus "ASK İzolit" MMC-nin direktoru İsmayıl Məmmədov Yeganə Nuruyeva ilə əvəz olunub.

Xatırladaq ki, “ASK İzolit” 2018-ci ildə Mingəçevir şəhərində yerləşən “Azərelektroizolit” zavodunun bazasında yaradılıb. Onun nizamnamə kapitalı 2 696 689 manatdır. Müəssisə elektroizolyasiya materialları istehsal edir.