"Azərbaycan Sənaye Korporasiyası" Balakəndə 4 bina tikdirir

Balakən Rayon İcra Hakimiyyəti rayonun Hənifə kəndinin ərazisində 4 binanın tikintisinə icazə verib.

“Report” bu barədə Dövlət Şəhərsalma və Arxitektur Komitəsinə istinadən xəbər verir.

Məlumata görə, bunlar “Azərbaycan Sənaye Korporasiyası” ASC-yə məxsus Balakən Tütün İstehsalı və Emalı Məntəqəsinin tərkibinə daxil olacaq qurutma kamerası, təmir sexi, inzibati bina və anbar binasıdır.