Azərbaycan qızıl-gümüş istehsalını 2 dəfə artırıb

Bu ilin yanvar-oktyabr aylarında Azərbaycanda 2 096,1 ton mis filizləri və konsentratları istehsal edilib ki, bu da ötən ilin eyni dövrü ilə müqayisədə 96,1% çoxdur.

“Report” bu barədə Dövlət Statistika Komitəsinə istinadən xəbər verir.

Məlumata görə, noyabrın 1-nə ölkədə 239 ton hazır mis filizləri və konsentratları olub.

Bundan başqa, 10 ay ərzində Azərbaycanda 6 834,8 kq qiymətli metal filizləri və konsentratları istehsal edilib ki, bu da ötən ilin eyni dövrünə nisbətən 2 dəfə çoxdur.

Oktyabrın sonuna ölkədə 456,8 kq hazır məhsul olub.

O cümlədən, hesabat dövründə qiymətli metallardan 2 876,8 kq qızıl, 3 958 kq gümüş hasil olunub və 1 il əvvələ nisbətən birincinin artım 96,1%, ikincinin artımı isə 2,1 dəfə olub.

Noyabrın 1-nə ölkədə 212,5 kq qızıl, 244,3 kq gümüş olub.