“Azərbaycan Polad İstehsalı Kompleksi” ləğv olunur

Bakı. 11 yanvar. REPORT.AZ/ “Azərbaycan Polad İstehsalı Kompleksi” QSC ləğv olunduğunu elan edib. Bu barədə “Report” Vergilər Nazirliyinə istinadən xəbər verir.

Məlumata görə, kreditorlar 2 ay ərzində tələblərini müəssisənin Bakı şəhəri, Xətai rayonu, Xocalı prospekti,37 ünvanındakı “Demirchi Tower” biznes mərkəzində yerləşən ofisinə bildirə bilərlər.

Xatırladaq ki, “Azərbaycan Polad İstehsalı Kompleksi” QSC 2014-cü ildə yaradılıb. Onun nizamnamə kapitalı 2 mln. manatdır.