Azərbaycan-Özbəkistan Hökumətlərarası Komissiyanın iclasında Ələt Azad İqtisadi Zonasının təqdimatı keçirilib

Bu gün Şuşa şəhərində Azərbaycan Respublikası və Özbəkistan Respublikası arasında Birgə Hökumətlərarası Komissiyanın 12-ci iclası keçirilib.

"Report" xəbər verir ki, iclas çərçivəsində, Ələt Azad İqtisadi Zonasının Səlahiyyətli Qurumunun İdarə Heyətinin sədri Valeh Ələsgərov iclas iştirakçılarına Ələt Azad İqtisadi Zonasının (ƏAİZ) strateji coğrafi mövqeyi, unikal qanunvericilik bazası, habelə ƏAİZ-də investorlara təqdim edilən istifadəyə hazır ərazi-daxili və ərazi-xarici infrastruktur və mühəndis-kommunikasiya sistemləri ilə təchiz olunmuş sənaye torpaq sahələri və maliyyə və qeyri-maliyyə imtiyazlar paketi haqqında geniş məlumat verib.