Yuxarı

Azərbaycan istehsalı olan spirtli içkilər Varşavadakı sərgidə nümayiş olunub

Bakı. 25 oktyabr. REPORT.AZ/ Polşanın paytaxtı Varşavada “Whisky Live Warsaw” Festivalı keçirilib. 

İqtisadiyyat Nazirliyindən “Report”a verilən məlumata görə, İqtisadiyyat Nazirliyinin və AZPROMO-nun dəstəyi, Azərbaycanın Polşadakı Səfirliyində Mərkəzi Avropa ölkələri üzrə ticarət nümayəndəsi Aparatının təşkilatçılığı ilə Azərbaycan istehsalı olan spirtli içkilər “Made in Azerbaijan” vahid ölkə stendində nümayiş etdirilib.

Festival zamanı ən çox ziyarət edilən stendlərdən olan Azərbaycan stendində nümayiş olunan şərablar və müxtəlif növ meyvə araqları, brendilər, viskilər qonaqlar tərəfindən maraqla qarşılanıb.

Sərginin açılışənda Azərbaycanın Mərkəzi Avropa ölkələri üzrə ticarət nümayəndəsi Nemət Nağdəliyev çıxış edərək, “Whisky Live Warsaw” Festivalının Azərbaycan məhsullarının tanıdılması, potensial alıcılarla əlaqələrin qurulması baxımından önəmini vutrğulayıb.

Qeyd edək ki, 2000-ci ildən müxtəlif ölkələrdə keçirilən “Whisky Live” Festivalında dünyanın müxtəlif ölkələrindən olan spirtli içki istehsalçıları öz məhsullarını nümayiş etdirirlər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi