“Azəralüminium” 90 milyon manatlıq gil-torpaq alır

“Azərbaycan Sənaye Korporasiyası” ASC-nin (ASK) törəmə müəssisəsi - “Azəralüminium” MMC 200 min ton gil-torpağın satın alınması ilə bağlı elan etdiyi 2 açıq tenderə yekun vurub.

"Report" dövlət satınalmalarının vahid internet portalına istinadən xəbər verir ki, tenderlərin qalibi “Silk Road Commodities SA” və “Trafigura Pte Ltd”dir.

Qalib şirkətlərə müvafiq olaraq 44 milyon 695 min manat və 45 milyon 684 min manat, ümumilikdə isə 90 milyon 379 min manat ödəniləcək.