"Araz Vadisi İqtisadi Zonası"nın rezidenti nizamnamə kapitalını 3 dəfə artırıb

Cəbrayıl rayonundakı "Araz Vadisi İqtisadi Zonası" Sənaye Parkının rezidenti "Avto Lizinq Azərbaycan" MMC nizamnamə kapitalını 3,4 milyon manat və yaxud 3 dəfə artırıb.

"Report" xəbər verir ki, şirkət kapitalını 1,699 milyon manatdan 5,099 milyon manata çatdırıb.

Xatırladaq ki, "Avto Lizinq Azərbaycan" 2021-ci ilin oktyabr ayında "Kamaz Lizinq Azərbaycan" adı ilə yaradılıb. Bir qədər əvvəl şirkətin təsisçisi - Rusiyaya məxsus "KamAZ" ASC onu Azərbaycan kapitallı təsisçiyə satıb. Bundan sonra lizinq şirkətinə rəhbərlik edən Rofel Qasım oğlu Qurbanov vəzifəsindən azad edilib, onun yerinə Fəxri Şaliq oğlu Həsənov təyin olunub.