“Araz Vadisi İqtisadi Zonası”nda mühəndis-geoloji tədqiqat işi yekunlaşıb

İqtisadiyyat Nazirliyinin Cəbrayıl rayonundakı “Araz Vadisi İqtisadi Zonası” Sənaye Parkının 200 hektar ərazisində topoqrafik planlama və mühəndis-geoloji tədqiqat işləri artıq başa çatdırılıb.

"Report" bu barədə nazirliyə istinadən xəbər verir.

Xatırladaq ki, bu sənaye parkı işğaldan azad edilmiş ərazilərimizin dirçəldilməsi və sənaye potensialının inkişafı məqsədilə yaradılıb. Burada tikinti-quraşdırma işləri mərhələli şəkildə davam etdirilir. Ərazidə topoqrafik planlama işləri zamanı yerin səviyyəsi və yer quruluşunun mövcud vəziyyəti öyrənilib. Geoloji-tədqiqat zamanı Sənaye Parkının ərazisində suxurların tərkibi və litoloji təsviri, qruntun fiziki və mexaniki xüsusiyyətləri müəyyən edilib.