Alüminiumun qiyməti 13 illik maksimuma çatıb

London Metal Birjasında (LME) Qvineyadan boksit tədarükü ilə bağlı yarana biləcək risklər fonunda alüminiumun qiyməti 13 illik maksimuma çatıb.

“Report” xarici mətbuata istinadən xəbər verir ki, alüminiumun 3 ay sonra çatdırılma ilə fyüçers qiyməti bir ton üçün 2 780 ABŞ dollarına qədər artıb.

Bu, 2008-ci ildən bəri qeydə alınan ən yüksək göstəricidir.

Ötən həftənin bazar günü Qvineyada dövlət çevrilişi baş verib. Bu ölkə isə alüminiumun istehsalı üçün lazım olan boksitin ən böyük tədarükçüsüdür. Onun payına Çinin boksit idxalının yarısı düşür.