“Marca” yeni virusla bağlı xəbərini təkzib etdi- YENİLƏNİB

İspaniyanın “Marca” nəşri yanlış informasiya yaydığına görə üzr istəyib.

“Report” xəbər verir ki, nəşr “Arca.com”a istinadən paylaşdığı xəbərin dezinformasiya olduğunu bildirib.

Qeyd olunub ki, Hindistanda nipah virusu sonuncu dəfə iki il əvvəl alovlanıb. 

16 iyun, saat 17:51

Hindistanın cənubunda insanlar arasında yeni virus yayılmağa başlayıb.

“Report” İspaniyanın “Marca” nəşrinə istinadən xəbər verir ki, nipah adlanan bu virus beynin zədələnməsi və respirator xəstəliklərə yol açır.

Bu xəstəliyə düçar olanlar xüsusilə əzələ zəifliyi, boğazağrısı, hərarətdən şikayətlənirlər. Daha sonra isə bütün bu əlamətlər mərkəzi sinir sisteminin zədələnməsinə yol açaraq insanı komaya salır. İnfeksiya simptomsuz da inkişaf edə bilər. 

Məlumata görə, Hindistanda virusdan artıq 18 nəfər ölüb.

Ümumdünya Səhiyyə Təşkilatı mütəxəssislərinin fikrincə, nipah virusunun dünyada epidemiya kimi yayılması təhlükəsi var. 

Bildirilib ki, koronavirusda olduğu kimi bu virusun daşıyıcıları da əsasən yarasalardır.

Qeyd edək ki, ilk nipah alovlanması 1999-cu ildə Malayziyada qeydə alınıb. Virusun adı ilk qeydə alındığı Kampunq-Sunqay-Nipah kəndinin adından götürülüb.