Yuxarı

Sumqayıtda uşaqlar arasındakı zəhərlənmə ilə bağlı Səhiyyə Nazirliyində operativ qərargah yaradılıb

Hazırda Sumqayıtda suyun keyfiyyəti tam standartlara cavab verir
© Report

Bakı. 12 iyun. REPORT.AZ/ "Sumqayıtda uşaqlar arasında rotavirus infeksiyası yayılıb. Məlumat daxil olan kimi Səhiyyə Nazirliyində operativ qərargah yaradılıb və bu gün də fəaliyyət göstərir".

"Report" xəbər verir ki, bunu jurnalistlərə açıqlamasında ölkənin baş pediatrı Nəsib Quliyev deyib.

Onun sözlərinə görə, xəstəxanada hazırda müalicəsi davam edən uşaqlar valideynlər tərəfindən gec gətirilənlərdir: "Proses qısa müddətdə lokallaşdırılıb. Uşaqların 100 faizi çiy su içdiklərini deyiblər. Aparılan yoxlamalar da göstərib ki, xəstələnən uşaqların bötüv əksəriyyətində anamnestik məlumat çiy su içməklə bağlıdır. Bununla bağlı Xudatdan gələn Şollar su xəttində "Azərsu" və Səhiyyə Nazirliyinin Gigiyena və Epidemiologiya Mərkəzi, epidemik nəzarət şöbəsi tərəfindən müayinələr aparılır. İlkin müayinələrin nəticəsi göstərdi ki, bu hadisə su xəttindəki çiy su ilə bağlı olan hadisədir. Aşkar olunan viruslar da məhz çirkli sularda daha çox yayılır. Bunu da nəzərə alaraq, uşaqların qaynadılmamış sulardan içməməsi məqsədəuyğun hesab edilir".

Baş pediatr qeyd edib ki, hadisədən dərhal sonra suyun təmizlənməsi və zərərsizləşdirilməsi prosesi gedib, hazırda suyun keyfiyyəti tam standartlara cavab verir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi