Yuxarı
    Bağlamaq

    Tarif Şurasının sədri: "Növbəti 55 təsiredici maddə üzrə dərmanların qiymətlərinin təsdiqlənməsi üçün sənədlərin qəbulu elan olunub"

    Hazırda Şuranın Katibliyinə təqdim olunan məlumatlar araşdırılır

    Bakı. 15 sentyabr. REPORT.AZ/ "Növbəti 55 təsiredici maddə üzrə dərman vasitələrinin qiymətlərinin təsdiqlənməsi üçün sənədlərin (bəyannamələrin) qəbulu elan olunub". "Report" xəbər verir ki, bunu iqtisadiyyat və sənaye naziri, Tarif (qiymət) Şurasının sədri Şahin Mustafayev "Azərbaycan" qəzetinə müsahibəsində deyib.

    Onun sözlərinə görə, hazırda Şuranın Katibliyinə təqdim olunan məlumatlar araşdırılır: "Həmin təsiredici maddələr üzrə dərman vasitələrinin qiymətlərinin müəyyənləşdirilməsi işləri aparılır və sentyabrın sonunadək Tarif (qiymət) Şurasının növbəti iclasının keçirilməsi nəzərdə tutulur".

    Nazir bildirib ki, böyük sosial əhəmiyyət kəsb edən bu proses bütün dərman vasitələrinin qiymətləri tənzimlənənədək intensiv şəkildə davam etdiriləcək: "Bu ilin sonunadək əksər dərman vasitələri üzrə qiymətlərin tənzimlənməsi başa çatdırılacaq. Bir daha qeyd edim ki, tənzimləmə prosesinin gedişi, hər dəfə qiymətləri təsdiqlənən dərman vasitələri, onların qiymətləri və yeni qiymətlərin qüvvəyə minmə tarixləri barədə məlumatlar KİV vasitəsilə ictimaiyyətə çatdırılacaq".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi