Yuxarı

Ötən ay 66 nəfər qidadan zəhərlənib, bir nəfər dünyasını dəyişib

Sentyabrda Azərbaycanda 2 botulizm hadisəsi qeydə alınıb

Bakı. 14 oktyabr. REPORT.AZ/ Ötən ay Azərbaycanda 39 qida zəhərlənməsi hadisəsi qeydə alınıb. Bu barədə "Report"a Səhiyyə Nazirliyinin Gigiyena və Epidemiologiya Mərkəzinin şöbə müdiri İmran Abdullayev məlumat verib.

Onun sözlərinə görə, sentyabr ayında qida zəhərlənmələrindən ümumilikdə 66 nəfər zərər çəkib.

Şöbə müdiri qeyd edib ki, ötən ay ölkədə 2 botulizm hadisəsi qeydə alınıb: "Bu hadisədən 2 nəfər zərər çəkib. Onlardan biri evdə hazırlanan tutmadan zəhərlənərək dünyasını dəyişib. Hadisə Bakıda baş verib".

Qeyd edək ki, avqust ayında 91 qida zəhərlənməsi hadisəsi baş vermişdi və 187 nəfər zərər çəkmişdi.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi