Yuxarı

​Əczaçılıq şirkəti 57 min manatlıq apellyasiya şikayətindən imtina edib

Məhkəmə apellyasiya icraatına xitam verib

Bakı. 9 dekabr. REPORT.AZ/ “Folium Farm” Məhdud Məsuliyyətli Cəmiyyətinin (MMC) Vergilər Nazirliyi (VN) yanında Bakı Vergilər Departamentinə qarşı apellyasiya şikayəti üzrə məhkəmə işi başa çatıb.

“Report”un məlumatına görə, “Folium Farm” MMC apellyasiya şikayətindən imtina edib. Bu səbəbdən də məhkəmə apellyasiya icraatına xitam verib.

Qeyd edək ki, “Folium Farm” MMC VN-in departamentini məhkəməyə verib. 2 saylı Bakı İnzibati-İqtisadi Məhkəməsinə müraciət edən MMC aktının qismən ləğv edilməsi, vergi və maliyyə sanksiyası borcunun silinməsi və müəssisənin 21 noyabr 2014-cü il tarixinə 57 311 manat həcmində artıq ödəmənin bərpa edilməsi vəzifəsinin cavabdehin üzərinə qoyulması barədə tələb irəli sürüb. Məhkəmə iddianı rədd edib. Qərarla razılaşmayan “Folium Farm” apellyasiya şikayəti verib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi