Yaponiyada hipodontiya üçün diş yetişdirmək məqsədilə dərman sınaqdan keçiriləcək

Kitano (Osaka Prefekturası) Tibb Tədqiqat İnstitutunun və Kioto Universitetinə məxsus vençur kapitalı şirkətinin mütəxəssislərindən ibarət birgə qrup 2024-cü ilin payızında hipodontiyası olan insanlarda dişlərin böyüməsi üçün nəzərdə tutulan dərmanı sınaqdan keçirməyi planlaşdırır.

"Report"un məlumatına görə, bu barədə Yaponiya tibb mərkəzi xəbər yayıb.

Sentyabrda dərmanın klinik sınaqlarına başlanacağı gözlənilir. Gələcəkdə yapon mütəxəssisləri altı ildən sonra dərmanın praktik istifadəsinə başlamağı nəzərdə tuturlar.

İnkişaf etdirilmiş dərman diş rudimentlərinə - ağız boşluğunda yerləşən diş toxumasının formalaşmasına təsir göstərir. Bu rudimentlər tam hüquqlu dişlərə çevrilə bilər, lakin çox vaxt inkişafı dayandırır və zamanla yox olur. Güman edilir ki, dərman onların inkişaf prosesini dayandıran zülalın təsirini boğur, bunun nəticəsində əmələ gələn rudimentlər açılmamış və ya düşmüş dişləri əvəz edə bilər.