Terapevt xəstəliklərin cavanlaşmasının səbəbini açıqlayıb

“Təəssüf ki, bir çox xəstəliklər cavanlaşır. Xəstəliklərin çoxunun yaşı 25-ə düşüb”.

“Report” xəbər verir ki, bu fikirləri Səhiyyə Nazirliyinin mütəxəssis-eksperti, həkim-terapevt Zakir Quliyev deyib.

Onun sözlərinə görə, yanlış, qeyri-sağlam qidalanma, stress, qeyri-aktiv həyat tərzi xəstəliklərin cavanlaşmasına səbəb olub: “Xəstəliklərin cavanlaşmaması üçün pis vərdişlərdən uzaq durmaq, düzgün qidalanma və aktiv həyat tərzinin sürülməsi məsləhətdir”.