Azərbaycanda peyvənd olunanların sayı açıqlanıb

Azərbaycanda bu gün 63 547 nəfər vaksinasiya olunub.

"Report" xəbər verir ki, bu barədə Nazirlər Kabineti yanında Operativ Qərargah məlumat yayıb.

Gün ərzində birinci mərhələ üzrə vaksinasiya olunanların sayı 44 587, ikinci mərhələ üzrə vaksinasiya olunanların sayı 18 960 nəfər təşkil edib.

Azərbaycanda bu günə qədər vurulan vaksinlərin ümumi sayı 5 671 138, birinci mərhələ üzrə peyvənd olunanların ümumi sayı 3 332 017, ikinci mərhələ üzrə vaksinasiya edilənlərin sayı 2 339 121 nəfər təşkil edir.