Azərbaycanda son sutkada peyvənd olunanların sayı açıqlandı

Azərbaycanda son sutkada 54 695 nəfər vaksinasiya olunub.

"Report" xəbər verir ki, bu barədə Nazirlər Kabineti yanında Operativ Qərargah məlumat yayıb.

Gün ərzində birinci mərhələ üzrə vaksinasiya olunanların sayı 26 574, ikinci mərhələ üzrə vaksinasiya olunanların sayı 28 121 nəfər təşkil edir.

Azərbaycanda bu günə qədər vurulan vaksinlərin ümumi sayı 3 348 427, birinci mərhələ üzrə peyvənd olunanların ümumi sayı 2 138 684, ikinci mərhələ üzrə vaksinasiya edilənlərin sayı 1 209 743 nəfər təşkil edir.