Ötən ay Bakıda təcili yardıma 70 minə yaxın çağırış daxil olub

İyun ayı ərzində Bakı şəhəri üzrə "103" Çağrı mərkəzinə 60 982 çağırış daxil olub.

Bu barədə "Report"a Respublika Təcili və Təxirəsalınmaz Tibbi Yardım Mərkəzindən məlumat verilib.

Qeyd olunub ki, onlardan 6 291 nəfər hospitizasiya olunub. Çağırışlardan 4 201-i əsassız, yəni təcili tibbi yardıma aid olmayan müraciətlərdir. 5 983 nəfərin çağırışı isə nəticəsiz ( yerində tapılmadı, tibbi yardımdan imtina və həkimə qədər ölüm və s. ) olaraq qeydə alınıb.