Mərkəzi Neftçilər Xəstəxanasının baş həkimi vəzifəsindən azad olunub

Bakı. 28 iyul. REPORT.AZ/ Səhiyyə Nazirliyinin Mərkəzi Neftçilər Xəstəxanasının baş həkimi, direktorun birinci müavini Həbib Yüzbaşov vəzifəsindən azad olunub.

Səhiyyə Nazirliyinin mətbuat xidmətinin rəhbəri Liya Bayramova “Report”a faktı təsdiqləyərək bildirib ki, o, bir ay bundan əvvəl ərizə yazaraq vəzifəsindən gedib.

Nazirlik rəsmisi qeyd edib ki, hazırda baş həkim vəzifəsinə təyinat olmayıb.

Qeyd edək ki, H.Yüzbaşovun işdən azad olunması barədə xəbəri ilk olaraq unikal.org saytı yayıb.