Azərbaycanda gələn həftədən 40 yaşlıların peyvəndlənməsinə başlanılır

“Bugünədək vətəndaşlara 500 min dozadan çox vaksin vurulub. Növbəti həftənin 1-ci günündən 40 yaş üzərində olan vətəndaşlarımız vaksinasiyaya cəlb olunacaq. Vətəndaşlarımızı buna qoşulmağa çağırıram”.

“Report” xəbər verir ki, bunu Prezidentin köməkçisi – Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov Nazirlər Kabineti yanında Operativ Qərargahın bu gün keçirilən brifinqdə deyib.

Onun sözlərinə görə, son günlərdə sərtləşmənin olacağı ilə bağlı məlumatlar yayılırdı: “Operativ Qərargahın buna gedib-getməməyi isə özümüzdən asılıdır”.