Dünyada koronavirusa yoluxma hallarının sayı 605,5 milyonu ötüb

Dünyada COVID-19-a yoluxma hallarının sayı 605 591 069 nəfərə çatıb.

“Report” xəbər verir ki, bu barədə ABŞ-ın Con Hopkins Universitetinin məlumatında qeyd olunur.

Virusun baş qaldırmasından sonra bu səbəbdən ölənlərin sayı 6 503 524 nəfər təşkil edir.

20 milyondan çox yoluxma olan ölkələr arasında ABŞ, Hindistan, Fransa, Braziliya, Almaniya, Böyük Britaniya, İtaliya və Cənubi Koreya var.

ABŞ COVID-19 infeksiyasına yoluxma hallarının və bu səbəbdən ölənlərin sayına görə dünyada liderlik edir. Birləşmiş Ştatlarda koronavirusa yoluxma hallarının sayı 94 768 178 nəfərə çatıb, 1 047 563 nəfər infeksiya səbəbindən vəfat edib.

İkinci yerdə qərarlaşan Hindistanda 44 466 862 nəfərdə COVID-19 xəstəliyi təsdiqlənib, 528 030 nəfər ölüb.

Siyahıda üçüncü pillədə qərarlaşan Fransada isə pandemiya dövrü ərzində 34 812 853 yoluxma halı qeydə alınıb, 155 313 nəfər ölüb.

Yoluxma sayına görə dördüncü yeri Braziliya (müvafiq olaraq, 34 477 539 yoxulma, 684 425 ölüm faktı), beşinci yeri isə Almaniya (32 297 537 yoxulma, 147 861ölüm faktı) tutur.