Dünyada koronavirusa yoluxanların sayı 163 milyonu ötdü

Dünyada yeni növ koronavirus infeksiyasına yoluxanların sayı artmaqda davam edir.

Bu barədə “Report” ayrı-ayrı ölkələrin statistikasına istinadən xəbər verir. Belə ki, mayın 16-da təhlükəli infeksiyaya yoluxma hallarının sayı 163 082 872 təşkil edib.

Təhlükəli virusun yaratdığı fəsadlar nəticəsində dünyasını dəyişənlərin sayı 3 381 218 nəfərə çatıb. Son məlumata görə, 141 354 852 şəxsin müalicəsi müsbət nəticələnib.

Koronavirusa ən çox yoluxma sayı ABŞ-da qeydə alınıb. Birləşmiş Ştatlarda 33 686 664 nəfərdə virus aşkarlanıb.

Siyahıda sonrakı yerdə Hindistan (24 679 908 yoluxma), Braziliya (15 521 313), Fransa (5 863 839) qərarlaşıb.