Dövlət və bələdiyyə tərəfindən yaradılan tibb müəssisələrinin səlahiyyəti artırılır

Dövlət və bələdiyyə tərəfindən yaradılan tibb müəssisələrinin səlahiyyəti artırılır Dövlət və bələdiyyə tərəfindən yaradılan tibb müəssisələrinin Nümunəvi Nizamnaməsinə dəyişiklik edilib
Sağlamlıq
143
3 May , 2021 13:23
Dövlət və bələdiyyə tərəfindən yaradılan tibb müəssisələrinin səlahiyyəti artırılır
0 : 00
0 : 00

Baş nazir Əli Əsədov dövlət və bələdiyyə tərəfindən yaradılan tibb müəssisələrinin Nümunəvi Nizamnaməsinə dəyişiklik edilməsi barədə qərar imzalayıb.

“Report”un xəbərinə görə, dəyişikliklə Nizamnamənin 3.2.2-ci bəndi (Müəssisənin vəzifələri) yeni redaksiyada verilir.

Yeni redaksiyaya əsasən, dövlət və bələdiyyə tərəfindən yaradılan tibb müəssisələrinə “İnsan orqan və toxumalarının donorluğu və transplantasiyası haqqında” Azərbaycan Respublikasının Qanununa uyğun olaraq donor orqanların transplantasiyasını, habelə bu məqsədlə donor orqanların götürülməsi, hazırlanması, saxlanması, daşınması, idxalı və ixracını həyata keçirmək səlahiyyəti verilir.

Nizamnamənin hazırkı variantına əsasən isə qanunvericilikdə nəzərdə tutulmuş hallarda, transplantasiya məqsədi ilə insan orqan və toxumalarını götürmək vəzifəsi dövlət və bələdiyyə tərəfindən yaradılan tibb müəssisələrinə həvalə edilmişdi.

Son xəbərlər

Orphus sistemi