Bu il Milli Məclis tərəfindən İTSDA-ya 246 vətəndaş müraciəti yönəldilib

"Bu ilin yanvarın 1-dən indiyədək Milli Məclis tərəfindən İcbari Tibbi Sığorta üzrə Dövlət Agentliyinə 246 vətəndaş müraciəti yönəldilib".

"Report" xəbər verir ki, bunu Agentliyin Vətəndaş müraciətləri və sənədlərlə iş departamentinin vətəndaş müraciətləri şöbəsinin müdiri İlham Hüseynov deyib.

Onun sözlərinə görə, müraciətlərin 196-ı ərizə, 50-i isə şikayət formasında daxil olub: "Bunlardan 16-sı həllini tapıb, 5-i qismən təmin edilib. Eyni zamanda 27-nə müvafiq izahat verilib, 13-ü icradadır, 162-i baxılması üçün aidiyyəti təşkilata göndərilib, 1-i də baxılmamış saxlanılıb. Baxılmamış müraciətin səbəbi vətəndaş barədə məlumatın yetərli olmamasıdır".