Braziliyada pandemiyadan ölənlərin sayı 154 mini ötdü

Braziliyada son sutka ərzində koronavirusa 15 383 yoluxma halı qeydə alınıb.

“Report” xəbər verir ki, bu barədə ölkənin Səhiyyə Nazirliyi məlumat yayıb.

Həmçinin ötən sutka ərzində ölkədə 271 nəfər COVID-19 infeksiyası səbəbindən həyatını itirib.

İndiyədək ümumilikdə 5 250 727 nəfərin koronavirus infeksiyasına yoluxması faktı müəyyən edilib, onlardan 4,6 milyon pasiyent müalicə olunaraq sağalıb, 154 176 nəfər vəfat edib.

Bu ölkə ən çox yoluxma sayına görə ABŞ və Hindistandan sonra üçüncü yerdədir.