Braziliyada koronavirusa yoluxanların sayı 3,5 milyonu ötdü

Braziliyada koronavirusa yoluxma ilə bağlı təsdiq edilmiş halların sayı bir gün ərzində 45 min 323  nəfər olub.

“Report”un Rusiya mətbuatına istinadən verdiyi xəbərə görə, bu barədə ölkənin Səhiyyə Nazirliyi bildirib.

Nazirliyin məlumatına görə, son sutkada ölkədə daha 1 204 nəfər ölüb. Bununla ümumi ölüm sayı 112 304 min nəfərə yüksəlib. Braziliyada infeksiyanın yayılmasının bütün vaxtı ərzində koronavirusa 3 501 975 yoluxma aşkar edilib.   

Qeyd edək ki, Braziliya həm koronavirusa yoluxma hallarına, həm də COVID-19 qurbanlarının sayına görə dünyada ikinci yerdədir.