​​​​​​​BAT şirkəti COVID-19-a qarşı namizəd peyvəndinin birinci klinik sınaq mərhələsini keçirir

ABŞ-ın Qida və Dərman Administrasiyası (FDA) tərəfindən Yeni Dərmanlar üzrə Araşdırmalar tətbiqinin təsdiqlənməsindən sonra BAT şirkətinə ABŞ-da məxsus olan Bio-tex törəmə müəssisəsinin qolu, Kentukki BioProcessing (KBP) Mərkəzi COVID-19-a qarşı peyvəndini insanlarda ilk dəfə Faza 1 tədqiqatına başlamaq planlarını açıqladı. Araşdırmaya qəbul üçün müraciətlərin qısa müddətdə başlayacağı gözlənilir.

Sözügedən COVID-19-a qarşı peyvənd namizədi (KBP-COVID-19; NCT04473690) klinik testlərdən əvvəl sınaqda uğurla irəliləyən bir sıra potensial peyvəndlərdən biri olacaqdır. Tədqiqat üçün 18-49 yaş və 50-70 yaş arası olan insanlar iki qrupa ayrılacaq və ümumilikdə 180 sağlam könüllünün qeydiyyatı nəzərdə tutulub.

Klinik testlər çərçivəsində insanlardan ibarət hər qrup aşağı və yüksək dozalı müalicə qruplarına bölünəcəkdir (N ~ 45) və təsadüfi şəkildə 2:1 nisbətində aşağı doza (15 μg KBP-COVID-19 peyvəndi + 0,5 mq köməkçi) və ya plasebo qəbul edəcək, və yaxud, yüksək doza (45 μg KBP-COVID-19 peyvəndi + 0,5 mq köməkçi) və ya plasebo ilə sınaqdan keçiriləcəkdir. Tədqiqatın nəticələri 2021-ci ilin ortalarında əldə edilməsi gözlənilir və müsbət olarsa, tənzimləmə təsdiqinə əsasən Faza 2 işində davamlı irəliləməyə imkan verəcəkdir.

Namizəd peyvəndi KBP Mərkəzinin sürətlə becərilən təbii bitki əsaslı texnologiyasından istifadə edilərək hazırlanmışdır. Bu bənzərsiz yanaşma bir sıra mümkün üstünlüklərə malikdir. Bunlar arasında, peyvəndin aktiv maddələrinin adi standart üsullarla bir neçə aya istehsalından fərqli olaraq, hazırki yanaşma ilə təxminən 6 həftə ərzində sürətli istehsala dair imkanlar yaradılır. Həmçinin, namizəd peyvəndinin otaq temperaturunda sabit qalma potensialı vardır ki, bu da dünya səviyyəsində səhiyyə sistemləri və ictimai səhiyyə şəbəkələri üçün əhəmiyyətli bir üstünlük hesab oluna bilər. Uğurlu olduğu təqdirdə, aktiv maddələrin istehsal sürəti yeni viruslar və ştamm-ların müəyyənləşdirilməsi ilə peyvəndin inkişafı və ehtiyacı olanlara təqdim edilməsi arasındakı vaxtı müvəffəqiyyətlə qısalda bilər.

KBP, eyni zamanda, eyni “nicotiana benthamiana” bitki əsaslı texnologiya platformasından istifadə edən dördvalentli (dörd ştamm-lıq) qrip peyvəndi namizədinin (KBP-V001; NCT04439695) insan sınaqlarına dair Faza I klinik testləri üzrə qeydiyyatı apararaq bu yaxınlarda prosesi başa çatdırmışdır.

BAT şirkətinin Elmi Tədqiqatlar Direktoru doktor Devid O-Reilli bildirib:

“Həm COVID-19, həm də mövsümi qrip peyvəndi namizədlərimizlə insan sınaqlarına keçmək əhəmiyyətli bir mərhələ sayılır və inkişaf etməkdə olan bioloji portfelimizin irəli addımlamasını sürətləndirmək üçün səylərimizi əks etdirir. Müxtəlif xəstəliklərə qarşı antiqen istehsalı üçün sürətli və effektiv rol oynayan bitki mənşəli vaksin texnologiyamız bu irəliləməni təmin etməyimizi və təhlükəsiz və təsirli müalicələrin təcili qlobal ehtiyacını qarşılamağımızı təmin etdi.

“Bütün bunlar işimiz üçün əsas olan yeniliklərin və elmə davamlı bağlılığımızın bir hissəsidir. Daha yaxşı gələcəyin qurulmasını öhdəliyimizə götürən bir şirkət olaraq, bu virusa qarşı qlobal mübarizədə öz rolumuzu oynadığımız üçün qürur duyuruq və ümid edirik ki, həllinə töhfə verə bilərik. ”

Hər iki peyvəndin bu mühüm mərhələlərə çatması ilə tütün bitkisinə əsaslanan peyvənd inkişafı və unikal platforma əsasında qurulan elm sürət qazanmağa davam edir.