AQTA: "Son 9 ayda 593 işçi tibbi müayinədən keçənədək işdən kənarlaşdırılıb"

"Bu ilin 9 ayında keçirilən yoxlama tədbirləri zamanı qida obyektlərində tibbi müayinədən keçməyən 593 nəfər işçi müəyyənləşib və onlar tibbi müayinədən keçənə qədər işdən kənarlaşdırılıb".

“Report” xəbər verir ki, bunu Azərbaycan Qida Təhlükəsizliyi Agentliyinin (AQTA) sədri Qoşqar Təhməzli keçirdiyi mətbuat konfransında deyib.

Onun sözlərinə görə, Agentlik tərəfindən tibbi müayinədən keçmədən işçi çalışdıran 80 qida subyektində tibbi müayinədən keçməyən 593 nəfər işçinin müvəqqəti işdən kənarlaşdırılması haqqında qərar qəbul edib: "İşçilərin tibbi müayinədən keçməsinə ictmai nəzarət artırılmalı, istehlakçılar bu cür yerlərdə qida istehlakından çəkinməlidirlər".