Yuxarı

​Yerevandakı məşhur ticarət mərkəzi alıcı yoxluğundan bağlanıb

Onlar bu gün səhər dükanların açarlarını ticarət mərkəzinin sahibinə təhvil veriblər

Bakı. 14 may. REPORT.AZ/ Yerevanda məşhur "Malatia" ticarət mərkəzində satış dayandırılıb.

"Report" xəbər verir ki, bu haqda Ermənistan KİV-i məlumat yayıb.

Xəbərə görə, buna səbəb əşya bazarında alıcıların yoxluğudur. Alıcıların yoxluğu isə tacirlərin bekarçılığına səbəb olub. Məlumatda bildirilib ki, ona görə də tacirlər çıxış yolunu mağazaları bağlamaqda görüblər.

Xəbərə əsasən, iş adamları bu gün səhər icarəyə götürdükləri dükanların açarlarını ticarət mərkəzinin sahibinə təhvil veriblər.

Məlumatda bildirilib ki, dükanların aylıq kirayə haqqı 200-340 dollardır. Tacirlər icarə haqqının azaldılmasını istəyirlər. Onlar ötən müddət ərzində külli miqdarda borca düşdüklərini söyləyiblər. "Borca mal götürüb, işləmək sərf eləmir. Moskvaya gedib, tikintidə işləyəcəm. Başqa çıxış yolu yoxdur", - onlardan biri mövcud vəziyyətlə bağlı deyib.

Xəbərdə qeyd edilib ki, əvvəllər bu bazara çoxlu sayda alıcı gələrmiş.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi