Yuxarı

Yerevanda etiraz aksiyası keçirilir

Bölgələrdən ölkə paytaxtına gedən avtobuslar marşrutlardan çıxarılır

Bakı. 1 dekabr. REPORT.AZ/ Ermənistanın bölgələrindən gələnlərin konstitusiya islahatına qarşı Yerevanda keçirilən mitinqdə iştirakına mane olurlar.

"Report" Ermənistan KİV-inə istinadən xəbər verir ki, bu haqda aksiyanın təşkilatçısı olan "Yeni Ermənistan" Milli Qurtuluş Cəbhəsi Vahid Qərargahı məlumat yayıb. 

Məlumata görə, bölgələrdən Yerevana gedən avtobuslar marşrutlardan çıxarılır. Aksiya bu gün saat 18:00-da başlayacaq.

Qeyd edək ki, dekabrın 6-da Ermənistanda yeni konstitusiya ilə bağlı referendum keçiriləcək. Dekabrın 1-də isə "Yeni Ermənistan" Milli Qurtuluş Cəbhəsi hakimiyyətin istefası tələbilə müddətsiz etiraz aksiyası keçirməyi planlaşdırıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi