Yuxarı
    Bağlamaq

    Yerevanda atışma zamanı yaralanan silahlı birləşmənin iki üzvü xəstəxanaya yerləşdirilib

    Bu gün yaralanan silahlı birləşmənin üzvü Araik Xandoyan isə hələlik xəstəxanaya yerləşdirilməyib

    Bakı. 29 iyul. REPORT.AZ/ Yerevanda atışma zamanı yaralanan post-patrul alayının binasını zəbt edən silahlı birləşmənin 2 üzvü xəstəxanaya yerləşdirilib.

    "Report"un RİA "Novosti"yə istinadən verdiyi xəbərə görə, bu barədə iyulun 29-da Polis İdarəsinin mətbuat xidmətinin rəhbəri Aşot Aqaronyan bildirib.

    "Post-patrul xidmətinin ərazindən atəş açan və cavab atəşi nəticəsində yaralanan silahlı birləşmənin üzvləri Artur Melkonyan və Armen Lambaryan xəstəxanaya yerləşdirilib", -Aşot Aqaronyan Facebook səhifəsində yazıb. 

    KİV-lərin yazdığına görə, ayaqdan yaralanan Melkonyan və Lambaryan "Erebuni" Tibb mərkəzinə gətirilib. Həftənin çərşənbə axşamı yaralanmış silahlı birləşmənin lideri Pavel Manukyan da burada müalicə edilir.

    Bu gün yaralanan silahlı birləşmənin üzvü Araik Xandoyan isə hələlik xəstəxanaya yerləşdirilməyib.

    Xatırladaq ki, iyulun 27-də Ermənistanın Səhiyyə Nazirliyinin verdiyi xəbərə görə, silahlı birləşmə biri qadın olmaqla dörd təcili yardım işçisini gilov götürüb. Silahlılar ölkənin səhiyyə naziri Armen Muradyana müraciət edərək onun girovlarla dəyişdirilməsini tələb ediblər. Bir qədər sonra tibb işçilərindən biri buraxılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi