Yuxarı
    Bağlamaq

    ​XİN: Türkiyə və Rusiya münaqişəsi müvəqqəti xarakter daşıyır

    Bunu Rusiyanın XİN rəsmisi Mariya Zaxarova deyib

    Bakı. 25 mart. REPORT.AZ/ Rusiya Xarici İşlər Nazirliyinin rəsmi nümayəndəsi Mariya Zaxarova Türkiyə və Rusiya arasında mövcud münaqişənin müvəqqəti xarakter daşıdığını bildirib.

    "Report" RİA "Novosti"yə istinadən xəbər verir ki, o, həmçinin ABŞ-ın dövlət katibi Con Kerri ilə aparılan danışıqlarda Rusiya və Türkiyə münasibətləri məsələsinin qaldırılmadığını qeyd edib.

    Bundan əlavə, Zaxarova bildirib ki, Rusiya Suriyada terrorçuların mövqelərinə hava zərbələri endirərkən ölkədə gedən vətəndaş müharibəsinə müdaxilə etmiş olmayıb.

    "Orada vətəndaş qarşıdurması var, lakin Hərbi Kosmik Qüvvələrin əməliyyatlarının ona heç bir adiyyəti yoxdur", — deyə Zaxarova "Azadlıq" radiosunun efirində söyləyib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi