Yuxarı

Xəzəryanı ölkələrin XİN başçılarının görüşü yayda keçiriləcək

Sergey Lavrov: Xəzərin statusunun həlli məsələsində iki-üç problemli məqam qalır

Bakı. 7 aprel. REPORT.AZ/ Xəzəryanı ölkələrin XİN başçılarının görüşü yayda keçiriləcək. "Report" xəbər verir ki, bu barədə Rusiyanın xarici işlər naziri Sergey Lavrov TASS-a müsahibəsində məlumat verib.

"Yayda Xəzəryanı ölkələrin xarici işlər nazirlərinin görüşü keçiriləcək. O görüşdə biz artıq sammitin hansı müddətə çağırılması və Konvensiyanın hansı müddətə bağlanmasıyla bağlı real vəziyyəti görəcəyik. Hədəf bu sənəd üzrə bütün problemli məsələlərə nöqtə qoyulandan sonra sammitin təşkil edilməsidir", - deyə S.Lavrov bildirib.

Onun sözlərinə görə, Xəzər dənizinin statusunun həlli məsələsində iki-üç problemli məqam qalır. Nazir vurğulayıb ki, Astanada keçiriləcək növbəti sammitdə Xəzər dənizinin hüquqi statusu haqqında Konvensiyanın hazırlanması üzrə çoxillik iş tamamlanmalıdır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi