Yuxarı
    Bağlamaq

    Türkiyənin Rusiyaya təyin edilən yeni səfirinin adı açıqlanıb

    Hazırkı səfir Ümit Yardım Türkiyə xarici işlər nazirinin müavini vəzifəsinə təyin edilə bilər

    Bakı. 22 avqust. REPORT.AZ/ Türkiyənin Braziliyadakı səfiri Hüseyn Diriöz Rusiyaya yeni səfir təyin edilib.

    "Report" "İnterfax"a istinadən xəbər verir ki, Ankaranın Moskvadakı səfirliyi Türkiyənin Rusiyaya yeni səfir təyin etməsi haqqında məlumatı təsdiqləyib.

    Diplomatik nümayəndəlikdən bildiriblər ki, Türkiyə Rusiyaya yeni səfiri iyunda təyin edib.

    Məlumata görə, Ankaranın Moskvadakı hazırkı səfiri Ümit Yardım Türkiyə xarici işlər nazirinin müavini vəzifəsinə təyin edilə bilər.

    Xatırladaq ki, bu ilin iyununda Türkiyə KİV-i Ümid Yardımın yerinə Hüseyn Diriözün təyin ediləcəyi barədə məlumat yaymışdı.

    H.Diriöz 1956-cı ildə Türkiyədə anadan olub. Anakar İnversiteti Siyasi Elmlər, Virciniya Universiteti Beynəlxalq Münasibətlər fakültələrini bitirib. 1978-ci ildə Türkiyənin Xarici İşlər Nazirliyində işləyir. 2004-2008-ci illərdə Türkiyənin İordaniyadakı səfiri, 2009-2010-cu illərdə Türkiyənin 11-ci prezidenti Abdullah Gülün xarici siyasət məsələləri üzrə baş müşaviri, 2010-2013-cü illərdə NATO-nun müdafiə siyasəti və palanlaşdırma məsələləri üzrə baş katibin müavini vəzifəsində çalışıb. 2013-cü ildən Türkiyənin Braziliyada səfirdir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi