Yuxarı

​Türkiyədə terror aktı nəticəsində 3 nəfər ölüb, 45 nəfər yaralanıb - YENİLƏNİB 2 - VİDEO

Yaralıların bəzilərinin durumunun ağır olduğu bildirilir

Bakı. 10 may. REPORT.AZ/ Türkiyənin Diyarbəkir vilayətində baş vermiş terror aktı nəticəsində yaralananların sayı 45 nəfərə çatıb. 

"Report" Türkiyə KİV-inə istinadən xəbər verir ki, bu barədə Diyarbəkir valiliyinin yaydığı açıqlamada qeyd olunub.  

Məlumata görə, hadisədə 12-si polis, 33 nəfəri mülki vətəndaş olmaqla, 45 nəfər yaralanıb. Həkimlərin müdaxiləsinə baxmayaraq 3 nəfərin həyatını xilas etmək mümkün olmayıb. 

Yaralıların bəzilərinin durumunun ağır olduğu bildirilir. 

*** 19:02

PKK terrorçularının Türkiyənin Diyarbəkir vilayətinin mərkəzi Bağlar rayonunun Diclə bulvarında polis avtobusuna partlayıcı yüklənmiş avtomobillə hücumu nəticəsində 3 nəfər ölüb, 22 nəfər yaralanıb. 

"Report" Türkiyə KİV-inə istinadən xəbər verir ki, terror aktı nəticəsində 1 polis əməkdaşı həlak olub, ölənlərdən ikisi isə mülki vətəndaşdır. 

Bundan başqa, yaralananlardan 9 nəfəri polis əməkdaşıdır. Digərləri isə polislərin nəzarəti altında sağlıq durumlarının yoxlanılması məqsədilə xəstəxanaya aparılan və antiterror əməliyyatları zamanı saxlanılmış şübhəlilər, o cümlədən mülki vətəndaşlardır. 

*** 18:06

Türkiyənin Diyarbəkir vilayətinin mərkəzi Bağlar rayonunun Diclə bulvarında polis avtobusuna terrorçuların partlayıcı yüklənmiş avtomobil ilə hücumu nəticəsində xeyli adam yaralanıb.

"Report" xəbər verir ki, bu haqda Türkiyə KİV-i məlumat yayıb.

İlkin məlumata görə, yaralananlardan 15 nəfəri polis əməkdaşıdır, digərləri isə hadisə yerinin yaxınlığından keçən mülki vətəndaşlardır.  

Hadisə yerinə çoxlu sayda təcili tibbi yardım briqadaları cəlb edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi