Türkiyədə terrorçular hərbi hissəyə raket atıb, 1 hərbçi şəhid olub, 4-ü yaralanıb

Bakı. 14 iyun. REPORT.AZ/ Türkiyənin Hakkari əyalətinin Çukurca rayonunda PKK terrorçularının hücumu nəticəsində 1 hərbçi şəhid olub, 4-ü yaralanıb.

“Report” “Ulusal”a istinadən xəbər verir ki, məlumatı Çukurca valiliyi yayıb.

Bildirilib ki, Zengil Tepedə yerləşən hərbi hisssəyə terrorçular idarə edilən raketlə hücum ediblər.

Terrorçuların zərərsizləşdirlməsi üçün ərazidə havadan dəstəklə əməliyyat keçirilir.