Yuxarı
    Bağlamaq

    Mövlud Çavuşoğlu: "Türkiyədə fəaliyyət göstərən terrorçulara ən böyük dəstəyi Almaniya verir"

    Biz onlardan terrorçu PKK qruplaşmasının Almaniyadakı 4 min üzvünü istədik”

    Bakı. 8 noyabr. REPORT.AZ/ “Türkiyə ərazisində fəaliyyət göstərən terrorçulara ən çox Almaniya dəstək verir”.

    “Report” Türkiyə KİV-inə istinadən xəbər verir ki, bunu Türkiyənin xarici işlər naziri Mövlud Çavuşoğlu noyabrın 8-də keçirdiyi mətbuat konfransında bildirib.

    "Təəssüf ki, Almaniya Türkiyə tərəfdə deyil. Bu ölkə davamlı olaraq anti-Türkiyə mövqeyində olanları qəbul edir. Biz onlardan terrorçu PKK qruplaşmasının Almaniyadakı 4 min üzvünü istədik. Onlar birini də vermədi. PKK Almaniyanın hər şəhərində Türkiyədə terrorçu fəaliyyətlə məşğul olanlara pul toplayır”, - deyə nazir vurğulayıb.

    O, mövcud problemin həlli üçün ikitərəfli diplomatik danışıqlar yolunu göstərib.

    M.Çavuşoğlu jurnalistin “Almaniyanın xarici işlər naziri Frank-Valter Ştaynmayeri telefonda gözlətdiyiniz doğrudurmu” sualına cavabında deyib: "Almaniya bütün terror qruplaşmalarına qucaq açıb. Görəsən, belə dövlətlərin nazirləri nə düşünür? Almaniyanın xarici işlər naziri mənimlə danışmaq istəyərkən başqaları ilə görüşmüş ola bilərəm. Belə iş olmaz. Biz nə zaman imkanımız olsa, onda görüşərik” .

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi