Türkiyədə bələdiyyə seçkilərinin tarixi açıqlanıb

Bakı. 26 oktyabr. REPORT.AZ/ Türkiyədə növbəti bələdiyyə seçkiləri 2019-cu il martın 31-də keçiriləcək.

“Report” xəbər verir ki, bununla bağlı qərar “Rəsmi Gazete”də dərc olunub. 

Türkiyə Yüksək Seçim Komissiyasının qərarına əsasən, namizədlərin irəli sürülüməsi prosesi 2018-ci il dekabrın 1-dən başlayacaq. Təbliğat-təşviqat kampaniyasına yanvarın 1-dən start veriləcək. Yerli seçkilərdə namizəd olaraq, iştirak etmək istəyənlər çalışdıqları sahələrdə tutduqları vəzifədən 2018-ci il dekabrın 1-i saat 17:00-da istefa verməlidirlər. 

Qeyd edək ki, "Bələdiyyə seçkiləri haqqında" qanuna uyğun olaraq, yerli seçkilər 5 ildən bir keçirilir.