Bakı. 2 oktyabr. REPORT.AZ/ Türkiyə Silahlı Qüvvələri Baş Qərargahının rəisi ordu generalı Hulusi Akar Tehranda səfərdədir.
“Report” İran KİV-inə istinadən xəbər verir ki, onu iranlı həmkarı Məhəmmədhüseyn Baqiri qarşılayıb.
Qeyd edək ki, avqustun 15-də M.Baqiri Türkiyədə üçgünlük səfərdə olub. Görüşdə terrorçuluğa qarşı mübarizə, bölgədəki vəziyyət, qarşılıqlı müdafiə istiqamətində əlaqələr və sərhəd bölgələrində əməkdaşlığa dair məsələlər müzakirə edilib.