Türkiyə hərbçiləri terrorçu İŞİD qruplaşmasının 20 üzvünü zərərsizləşdirib

Bakı. 5 yanvar. REPORT.AZ/ Türkiyə Silahlı Qüvvələri “Fırat kalkanı” (“Fərat qalxanı”) çərçivəsində Suriyada keçirdiyi havadan əməliyyat nəticəsində terrorçu İŞİD qruplaşmasının 20-yə yaxın silahlısını, o cümlədən başçılarından birini zərərsizləşdirib.

“Report” Anadolu agentliyinə istinadən xəbər verir ki, bu haqda Türkiyə Silahlı Qüvvələri Baş Qərargahı məlumat yayıb.

İnformasiyaya əsasən, terrorçuların 74 istehkamı və sığınacaq yeri məhv edilib.