Yuxarı

BMT Təhlükəsizlik Şurası Suriya əleyhinə qətnamə qəbul edib

Sənəd beynəlxalq sanksiyaların tətbiqi ilə yanaşı, hərbi gücdən istifadəyə də icazə verir

Bakı. 7 mart. REPORT.AZ/ BMT Təhlükəsizlik Şurası Suriyada gedən döyüşlərdə xlor və digər zəhərli maddələrin tətbiqini pisləyən və özündə sərt tədbirləri ehtiva edən qətnamə layihəsini səs çoxluğu ilə qəbul edib.

"Report"un "Anadolu" agentliyinə istinadən verdiyi məlumata görə, sənədi BMT TŞ-nin 15 üzvündən 14-ü dəstəkləyib, yalnız Venesuela bitərəf qalıb.

Suriyaya qarşı beynəlxalq sanksiyaların tətbiqinə və hərbi gücdən istifadəyə icazə verən qətnamə BMT Xartiyasının 7-ci bölməsi altında qəbul edilib.

Qeyd edək ki, sənəd Kimyəvi Silahların Qadağan Edilməsi Beynəlxalq Təşkilatının (KSQEBT) Suriyada gedən döyüşlərdə xlor və digər zəhərli maddələrin istifadəsinə dair hesabatının ardından hazırlanıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi