Yuxarı
    Bağlamaq

    Sabir Hacıyev: “Gürcüstanda yaşayan azərbaycanlılar seçkilərdə fəal iştirak edirlər”

    Ciddi qanun pozuntusu qeydə alınmayıb

    Tbilisi. 8 oktyabr. REPORT.AZ/ “Gürcüstanda yaşayan azərbaycanlılar səsvermədə fəal iştirak edirlər”.

    "Report"un Gürcüstan bürosu xəbər verir ki, bunu jurnalistlərə Avropa Şurası Parlament Assambleyasının (AŞPA) müşahidə missiyasının üzvü, Milli Məclisinin deputatı Sabir Hacıyev bildirib.

    Onun sözlərinə görə, müşahidə missiyası səhər 7:30-da məntəqələrdə olublar: "Səsvermə ilə əlaqədar bütün texniki məsələlər yüksək səviyyədə təşkil olunub. AŞPA müşahidə missiyası Gürcüstanda keçirilən parlament seçkilərində hələlik elə bir ciddi qanun pozuntusu ilə qarşılaşmayıb”.

    S.Hacıyev deyib ki, seçicilər də səsvermədə fəal iştirak ediblər: “Biz AŞPA-nın müşahidəçiləri olaraq Gürcüstanda azərbaycanlıların yığcam yaşadıqları Marneuli rayonunun kəndlərində müşahidə apardıq. Səsvermə tam sakit və demokratik keçir. Ciddi qanun pozuntusu qeydə alınmayıb. Azərbaycanlı seçicilər də Gürcüstanın ictimai siyasi həyatında mühüm hadisə olan seçkilərdə fəal iştirak edirlər”.

    “AŞPA-nın müşahidə missiyası oktyabrın 9-da seçkilərin təşkili və səsvermə ilə əlaqədar yekun rəyini açıqlayacaq”, - deyə deputat vurğulayıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi