Yuxarı
    Bağlamaq

    ​Omskda kazarmanın uçması ilə bağlı cinayət işi açılıb

    Bu cinayətə görə 10 il azadlıqdan məhrumetmə cəzası nəzərdə tutulub

    Bakı. 13 iyul. REPORT.AZ/ Rusiyanın Omsk şəhərində Hərbi Desant Təlim Mərkəzinin kazarmasının uçması ilə bağlı müstəntiqlər 3 maddə üzrə cinayət işi açıb.

    "Report" "RİA Novosti"yə istinadən xəbər verir ki, bunu Rusiya İstintaq Komitəsinin rəsmi təmsilçisi Vladimir Markin bildirib.

    İttihamlar arasında "səhlənkarlıq", "texniki təhlükəsizliyin pozulması", "səlahiyyət həddini aşma" maddələri də var.

    "Məsələ ilə bağlı cinayət işi gələcək araşdırma üçün Rusiya İstintaq Komitəsinin hərbi istintaq idarəsinin mərkəzi aparatına verilib. Faciə ilə bağlı qərargah yaradılıb. Ona Rusiya İstintaq Komitəsi hərbi istintaq idarəsi rəisinin müavini başçılıq edir", - V.Markin qeyd edib.

    Bu cinayətə görə 10 il azadlıqdan məhrumetmə cəzası nəzərdə tutulub.

    Qeyd edək ki, dağıntılar altından 42 hərbçi çıxarılıb, onlardan 23-ü ölüb, 19-u isə xəstəxanaya yerləşdirilib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi