Yuxarı

Lebedev: Ukraynanın MDB-dən çıxması təşkilatdan çox ölkənin özü üçün mənfi nəticələrə gətirəcək

Ukrayna hazırda MDB-nin tərkibindədir və çox ümid edirəm ki, bu belə də qalacaq

Bakı. 14 noyabr. REPORT.AZ/ Ukraynanın MDB-dən çıxması haqqında bəyanatları onun Birlikdə iştirakına qarşı olan siyasətçilər verir. Bu barədə "Report"a Bakıda səfərdə olan MDB İcraiyyə Komitəsinin sədri Sergey Lebedev Ukraynanın MDB-dən çıxması ilə bağlı bəyanatlara təşkilatın münasibəti haqqında sualı şərh edərkən bildirib. 

Onun sözlərinə görə, Ukraynanın rəsmi şəxsləri tərəfindən heç bir bəyanat verilməyib: "Buna görə də Ukrayna hazırda MDB-nin tərkibindədir və çox ümid edirəm ki, bu belə də qalacaq".

S.Lebedev, həmçinin Ukraynanın təşkilatdan çıxmasının MDB-yə necə təsir edə biləcəyi haqqında öz fikrini bildirib: "Mən inkar etməyəcəm ki, Ukrayna insan və iqtisadi potensialına görə MDB-nin mühüm tərkib hissəsidir, lakin MDB-nin yalnız bir üzvüdür. Mən hesab edirəm ki, Ukraynanın MDB-dən çıxması təşkilatdan çox ölkənin özü üçün mənfi nəticələrə gətirib çıxaracaq. MDB buna tab gətirəcək, lakin Ukrayna üçün bu çox ağır olacaq, və mən bunun baş verməsini istəmirəm".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi